സംഘപരിവാറിനെ തോൽപ്പിക്കുന്ന ഇടത്പക്ഷം

 LDF വരും എല്ലാം ശരിയാവും എന്ന മുദ്രാവാക്യത്തോടെ പിണറായി വിജയന്റെ നേതൃത്വത്തിൽ നടന്ന.പ്രചാരണത്തിന്റെ അവസാനമാണ് പിണറായി വിജയൻ മുഖ്യമന്ത്രിയായിക്കൊണ്ട് ഇടതുപക്ഷ ഗവണ്മെന്റ് രൂപീകരിക്കുന്നത്.വ്യാപകമായ പ്രചാരണപരിപാടികളാണ് അതിന് ശേഷം ഇന്നോളം നടന്നുകൊണ്ടിരിക്കുന്നത്.'ഇരട്ടചങ്കൻ' എന്ന ബിംബവൽക്കരണവും 'ഇവിടൊരു സർക്കാറുണ്ട്' എന്ന പരസ്യവചനവും ഒക്കെ ഈ.പ്രചാരണങ്ങളുടെ തുടർച്ചയാണ്.


എല്ലാത്തിനെയും ന്യായീകരിച്ച് വെളുപ്പിക്കാൻ പാർട്ടി സഖാക്കൾ കൂടി ഉണ്ടാവുമ്പോ ഈ പ്രചാരണങ്ങളുടെയൊക്കെ റീച്ച് കൂടുമെന്നതും നേരാണ്.എന്നാൽ ഇതിന്റെയൊക്കെ മറവിൽ ന്യൂനപക്ഷദളിത് വിരുദ്ധ നീക്കങ്ങളാൽ സംഘപരിവാറിനെ പോലും അത്ഭുതപ്പെടുത്തികൊണ്ടിരിക്കുകയാണ് ഇടതുപക്ഷം എന്ന് അവകാശപ്പെടുന്ന സർക്കാർ.



ഇക്കഴിഞ്ഞ ആയുധപൂജയുടെ മറവിലാണ് ഹിന്ദുത്വതീവ്രവാദി പ്രതീഷ് വിശ്വനാഥ് തോക്കുകളും വടിവാളുകളുമടക്കം പൂജക്ക് വെക്കുന്ന ചിത്രങ്ങൾ തന്റെ തന്നെ ഫെയ്‌സ്ബുക്ക് പേജിൽ പോസ്റ്റ് ചെയ്യുകയും കാലപാഹ്വാനങ്ങൾ നടത്തുകയും സർക്കാരിനെതിരെ യുദ്ധം ചെയ്യണമെന്നും വിളിച്ചു പറയുകയും ചെയ്തിരുന്നു.നവംബർ ഒമ്പതിന് ബാബരി മസ്ജിദ് ഭൂമി ക്ഷേത്രനിർമാണത്തിന് സുപ്രീം കോടതി വിട്ടുനൽകിയ ദിവസത്തിലും വിഷലിപ്തമായ പോസ്റ്റുകളുമായി ഇയാൾ സോഷ്യൽ മീഡിയയിൽ സജീവമായിരുന്നു.


പലതവണ പലരും പോലീസിൽ പരാതിപ്പെട്ടിട്ടും ആളെ കിട്ടാനില്ല എന്നായിരുന്നു പിണറായി വിജയൻ സർക്കാരിലെ ലോകനാഥ്‌ ബെഹ്റ നിയന്ത്രിക്കുന്ന പോലീസിന്റെ മറുപടി.എന്നാൽ ഈ പറഞ്ഞ പ്രതീഷ് വിശ്വനാഥ്‌ തന്നെ 2019 നവംബർ 26ന് കൊച്ചി കമ്മീഷണർ ഓഫീസിന് മുമ്പിൽ പ്രത്യക്ഷപ്പെട്ട ചിത്രങ്ങൾ സോഷ്യൽ മീഡിയയിൽ പലയിടത്തായി ഉണ്ടായിരുന്നു.ലഘുലേഖ കയ്യിൽ വെച്ചെന്നും പുസ്തകം വായിച്ചെന്നും വട്ടംകൂടിയിരുന്ന വർത്താനം പറഞ്ഞുവെന്നും കാരണം.കാണിച്ച് മുസ്ലിം ചെറുപ്പക്കാർക്ക് UAPA  അടക്കമുള്ള വകുപ്പുകൾ ചാർത്തി കേസെടുക്കുകയും ജയിലിൽ തള്ളുകയും ചെയ്യുന്ന പൊലീസാണിതെന്നോർക്കണം.


പോലീസിന്റെ മാത്രമല്ല സർക്കാർ മൊത്തത്തിൽ തന്നെയും ഹിന്ദുത്വപ്രീണനം നടത്താനും അതുവഴി ഭൂരിപക്ഷ വോട്ടുകൾ പിടിക്കാനുമുള്ള ശ്രമം ഇലക്ഷൻ മുമ്പിൽ കണ്ട് തന്നെ തുടങ്ങി എന്ന് വേണം കരുതാൻ.അത് കൊണ്ടാണല്ലോ മുന്നാക്കസംവരണം അടക്കമുള്ള കാര്യങ്ങൾ ഇത്ര ധൃതിപ്പെട്ട് നടപ്പിലാക്കാൻ ശ്രമിക്കുന്നത്.


സംവരണം എന്നത് ഒരു ദാരിദ്യനിർമാർജനപദ്ധതി അല്ലെന്നും അത് സാമൂഹ്യനീതിക്ക് വേണ്ടി ഉള്ളതാണെന്നും അതിന്റെ അടിസ്ഥാനതത്വങ്ങൾ അറിയുന്ന ആർക്കും തർക്കത്തിനിടയില്ലാത്തതാണ്.എന്നാൽ മുന്നാക്കക്കാരിലെ പിന്നാക്കക്കാർക്ക് സാമ്പത്തികസംവരണം ഏർപ്പെടുത്തികൊണ്ട് ഈ സർക്കാർ സംവരണത്തിന്റെ യഥാർത്ഥ ലക്ഷ്യങ്ങളെ തന്നെ അട്ടിമറിച്ചിരിക്കുകയാണ്..


50% വരുന്ന general quota യിൽ നിന്നായിരിക്കും ഈ 10% സംവരണമെന്ന് സർക്കാർ വാദിച്ചിരിന്നുവെങ്കിലും അതും തെറ്റിക്കപ്പെട്ടു.അതിന്റെ പ്രത്യാഘാതങ്ങൾ കണ്ട് തുടങ്ങുകയും ചെയ്തു.അർഹതപ്പെട്ട സീറ്റുകൾ നഷ്ടമാവുന്നത് ദളിത് മുസ്ലിം സമുദായങ്ങളിലെ ചെറുപ്പക്കാർ നിസ്സഹായരായി നോക്കി നിൽക്കേണ്ടി വരുന്നു.


സവർണ്ണന്റെ മാത്രം ഉന്നമനത്തിനും തീവ്രഹിന്ദുത്വത്തിനും വേണ്ടി പ്രവർത്തിച്ച് കൊണ്ടിരിക്കുന്ന സംഘപരിവാറിനെ പോലും നാണിപ്പിക്കുന്ന വിധമാണ് ഇരട്ടച്ചങ്കൻ സർക്കാരിന്റെ പ്രവർത്തനങ്ങൾ.ഒന്നോ രണ്ടോ ഉദാഹരണങ്ങളിലൂടെ കാര്യങ്ങളെ പെരുപ്പിക്കുകയല്ലെന്ന് ഇക്കാലയാളവിലെ സർക്കാർ പ്രവർത്തനങ്ങളെ സസൂക്ഷ്മം വീക്ഷിക്കുന്ന ആർക്കും തന്നെ മനസ്സിലാവുന്നതാണ്.

Share:

ഹലാൽ കഥയിലെ ജീവിക്കുന്ന മനുഷ്യർ

പറഞ്ഞാലും പറഞ്ഞാലും തീരാത്ത വിശേഷങ്ങളാണ് ഹലാൽ ലവ് സ്റ്റോറിയിൽ ഉള്ളത്.കഴിഞ്ഞ കുറിപ്പിൽ എഴുതിയ പോലെ തന്നെ സിനിമയിലെ കഥ നടക്കുന്ന കാലത്ത് ആ പ്രസ്ഥാനത്തിൽ സജീവമാവുകയും പിന്നീട് അതിന്റെ ഇറയത്തും പരിസരത്തും ജീവിച്ച് കൊണ്ടിരിക്കുകയും ചെയ്യുന്ന എന്നെ പോലെ ഒരാൾക്ക് ഏറെ സുപരിചിതമാണ് കഥാസന്ദർഭങ്ങളും കഥാപാത്രങ്ങളും..


സുഹറ



Grace Antony അവതരിപ്പിച്ച സുഹ്റയിലൂടെയാണ് ഈ സിനിമ മുന്നോട്ട് പോവുന്നതെന്ന് തോന്നും.Grace Antony എന്ന നടിയെ സിനിമയിൽ ഒരിടത്ത് പോലും നമുക്ക് കാണാൻ സാധിക്കില്ല.അത്രയേറെ അവർ സുഹ്റയെ ഉൾകൊണ്ട്കൊണ്ടാണ് ചെയ്തത്."റഹീം സാഹിബേ,നിങ്ങളെന്റെ മനസ്സ് തുറപ്പിക്കരുത്,എനിക്ക് സങ്കടങ്ങൾ പെട്ടെന്ന് പുറതത്ത് വരുന്ന ഒരു അസുഖമുണ്ട്."ഇങ്ങനെ പറയുന്ന ഒരു സ്ത്രീയെ നിങ്ങൾ നിങ്ങളുടെ ജീവിതപരിസരങ്ങളിൽ കണ്ടിട്ടില്ലെങ്കിൽ നിങ്ങൾ നിങ്ങളിൽ മാത്രമേ ജീവിച്ചിട്ടൊള്ളു എന്ന് പറയേണ്ടി വരും.


സിറാജ്(ഡയറക്ടർ സാഹിബ്)

ഒരു പ്രസ്ഥാനത്തിന്റെയും പ്രവർത്തകനാവേണ്ടതില്ല ഇങ്ങനെ ഒരാളെ ജീവിതത്തിൽ നിന്ന് കണ്ടെത്താൻ."എന്താടോ സുഖാണോ?എന്താ നിന്റെ വിശേഷം?" എന്നൊക്കെയുള്ള ചില ചോദ്യങ്ങൾക്ക് മുമ്പിൽ പൊട്ടിയൊലിച്ചൊഴുകുന്ന ഗൗരവക്കാരായ എത്രയോ മനുഷ്യരെ ഞാനെന്റെ ജീവിതത്തിൽ കണ്ടുമുട്ടിയിട്ടുണ്ട്.

"സുഖാണോ നിനക്ക് എന്ന ഒരൊറ്റ ചോദ്യത്തിന് മുമ്പിൽ നിറഞ്ഞുകലങ്ങിയ കണ്ണുമായി നിന്ന പല മുഖങ്ങളെയും ഓർത്തെടുക്കാൻ പറ്റുന്നുണ്ട്..


ഹലാലിന്റെ വിമർശകർ ഏറ്റവും കൂടുതൽ കൈ വെച്ച ഒരു കഥാപാത്രമാണ് യഥാർത്ഥത്തിൽ ജോജു അവതരിപ്പിച്ച സിറാജ്.എന്നാൽ തന്റെ ഉള്ളിലെ ഈർപ്പത്തെ സിറാജിലുടനീളം കാണാൻ കഴിയുന്നുണ്ട് എന്നതാണ് സത്യം.


റഹീം സാഹിബ്

നാസർ കറുത്തേനി എന്ന നടൻ അവതരിപ്പിച്ച റഹീം സാഹിബ് എന്ന കഥാപാത്രം.നേരത്തെ ഒരു കുറിപ്പിൽ എഴുതിയ പോലെ എനിക്ക് ഞങ്ങളുടെ ഹമീദ് മാഷിനെ അടക്കം പലരുമായും connect ചെയ്യാൻ പറ്റും.ചുരമിറങ്ങിവരുന്ന ബസ്സിന്റെ ഉപമയൊക്കെ എത്രയെത്ര സന്ദർഭങ്ങളിലാണ് കേട്ടിരുന്നിട്ടുള്ളതെന്നറിയോ..





ശരീഫ്

ഇന്ദ്രജിത്തിന് കുറച്ചൂടെ നന്നാക്കാമായിരുന്നു ആ കഥാപാത്രത്തെയെങ്കിലും പിരിയൻഗോവണി കണക്കെയുള്ള ജീവിതത്തിന്റെ പലതിരിവുകളിലും ശരീഫുമാരെയും കണ്ടിട്ടുണ്ട്.പ്രസ്ഥാനജീവിതത്തിന്റെ നല്ല മാതൃകകളാകുമ്പോ തന്നെ പാളിപ്പോയ ജീവിതങ്ങളാവുന്ന ഒരുപാട് മുഖങ്ങളെ ഓർത്തെടുക്കാൻ പറ്റുന്നുണ്ട്.




തൗഫീഖ് സാഹിബും ഉമ്മയും

ശറഫുദ്ധീൻറെ അക്ഷരാർത്ഥത്തിൽ തൗഫീഖ് സഹിബായി മാറുകയായിരുന്നു.താൻ ചെയ്യുന്ന കാര്യങ്ങളെ കുറിച്ച് കൃത്യമായ ബോധ്യമുള്ള ആ ചെറുപ്പക്കാരനിൽ നമുക്ക് ചുറ്റുമുള്ള ഏറെ മനുഷ്യരെ കാണാൻ പറ്റും.തന്റെ സിനിമ ഹറാമായ ഒന്നല്ലാത്തതിനാൽ ഹറാമായ പലിശപണവും വേണ്ട എന്ന് പറയുന്ന തൗഫീഖിനെ പോലെ ഒരാളെ ഇന്നലെകൂടി നമ്മളെവിടെയോ കണ്ടല്ലോ എന്ന് തോന്നിപോവും.രണ്ടോ മൂന്നോ സീനുകളിൽ മാത്രം വന്ന് പോവുന്നൊള്ളുവെങ്കിലും തൗഫീഖിന്റെ ഉമ്മയും നമ്മുടെ ഉള്ളിലെവിടെയോ കോറികിടക്കുന്നു.മകന് വേണ്ടി പങ്കാളിയെ തിരയുമ്പോൾ അവർക്ക് ദീനിനിഷ്ഠയുള്ള കാലബോധമുള്ള സ്ത്രീയെ തന്നെ വേണം."ഉമ്മ",ല്ലേ?



വെറുതെ വന്ന് പോവുന്നവരെന്ന് പോവുന്ന ഓരോരുത്തരെയും അവരുടെ വർത്തമാനങ്ങളും ഇനിയും പല അടരുകളിലായി ചർച്ച ചെയ്യേണ്ടിയിരിക്കുന്നു.തൊടിയിൽ വസ്ത്രമലക്കുന്ന സ്ത്രീ പറയുന്ന ഡയലോഗ് പോലും എത്രയേറെ പൊളിറ്റിക്കലാണ്.





കഥാപാത്രങ്ങളോ കഥയോ മാത്രമല്ല ഈ സിനിമയിൽ എടുത്ത് പറയേണ്ടത്.അതിന്റെ കലാസംവിധാനത്തെ കുറിച്ച് കൂടെ പറഞ്ഞു വെക്കേണ്ടതുണ്ടെന്ന് തോന്നുന്നു.അനീസ് നാടോടി എന്ന പ്രിയസുഹൃത്തിന്റെ കലാസംവിധാനം അത്രയും മികവുറ്റതാണ്.പാർട്ടി ഓഫീസുകളടക്കം സിനിമയിൽ കാണിച്ച ഓരോ ഫ്രയിമിലും കലാസംവിധായകന്റെ മികവ് തെളിഞ്ഞ് കാണുന്നതാണ്.സക്കരിയക്കും മുഹ്‌സിനുമൊക്കെ ഒപ്പം ഈ സിനിമയിൽ അനീസ് നാടോടിയും തീർച്ചയായും അഭിനന്ദനമർഹിക്കുന്നു.

Share:

ഹലാലിനെ കുറിച്ച് തന്നെ

 റിലീസ് ചെയ്യുന്നതിന് മുമ്പ് ഇത്രയധികം ആരോപണങ്ങൾ ഏറ്റുവാങ്ങുകയും വിമർശിക്കപ്പെടുകയും ചെയ്ത ഒരു മലയാളസിനിമ ഈ അടുത്ത കാലത്ത് ഒന്നും ഉണ്ടായിട്ടില്ല എന്നാണ് എന്റെ ഓർമ.ഒരു സാധാരണ സിനിമാപ്രേക്ഷകൻ എന്ന നിലയിൽ എന്ത് കൊണ്ട് ഈ സിനിമ വിമർശിക്കപ്പെടുന്നു എന്നതിന് സിനിമ കണ്ട് കഴിഞ്ഞതിന് ശേഷവും നിലനിൽക്കുന്ന ഒരു ഉത്തരം കിട്ടിയിട്ടില്ല.



തിരുവിതാംകൂറിലും കൊച്ചിയിലുമിരുന്നെഴുതപ്പെട്ട നമ്പൂതിരി പരിഭവങ്ങൾക്കും നായർ മഹത്വവത്കരണത്തിനുമപ്പുറം മലയാളസിനിമയിൽ നിന്ന് മാറ്റിനിർത്തപ്പെടുകയോ വികൃതമാക്കി മാത്രം അവതരിപ്പിക്കുകയോ ചെയ്ത ഒരു സമൂഹത്തെ പ്രതിനിധാനം ചെയ്തു എന്നതാണ് ഹലാൽ ലവ് സ്റ്റോറി പൊതുസമൂഹത്തോട് ചെയ്ത 'തെറ്റ്' എന്നാണ് തോന്നുന്നത്.


"അയ്യോ,ഞങ്ങൾക്കത് മനസ്സിലായില്ല","ഞങ്ങൾക്ക് ആ സിനിമയിലെ കഥയോ കഥാപാത്രങ്ങളോ റിലേറ്റ് ചെയ്യാൻ പറ്റുന്നില്ല"എന്നിത്യാദിയാണ് ഉയർന്ന് കേൾക്കുന്ന വിമർശനങ്ങളിൽ ചിലത്.തിരക്കഥാകൃത്ത് ആയ മുഹ്‌സിൻ പരാരിയും സംവിധായകൻ സക്കരിയയും ചേർന്ന് എന്തൊക്കെയോ ഒളിച്ച് കടത്താൻ ശ്രമിക്കുന്നു എന്ന് മറ്റ് ചിലർ.ഒരു സിനിമാകഥയും അതിലെ കഥാപാത്രങ്ങളെയും നിങ്ങൾക്ക് റിലേറ്റ് ചെയ്യാൻ പറ്റുന്നില്ല,മനസ്സിലാക്കാൻ കഴിയുന്നില്ല എന്നൊക്കെ നിലവിളിച്ച് കരയുമ്പോ നിങ്ങളുടെയൊക്കെ വിശാലപൊതുബോധവും കാഴ്ചപ്പാടും അത്രയും ചുരുങ്ങിയതാണെന്ന് ആദ്യം നിങ്ങൾ തിരിച്ചറിയുകയാണ് വേണ്ടത്.


നിലവിലുള്ള പല രാഷ്ട്രീയ,മത,ജാതി സംഘടനകളെ glorify ചെയ്ത് കൊണ്ടോ അല്ലെങ്കില് അതിന്റെ പരിസരങ്ങളിൽ നിന്നോ  കഥ പറഞ്ഞ സിനിമകൾ ഈ 'പൊതു'വിന് പുറത്തുള്ളവർക്ക് റിലേറ്റ് ചെയ്യാൻ പറ്റുന്നത് പിന്നെ എങ്ങനെയാണ്?



ബ്യൂട്ടിഫുൾ എന്ന വി.കെ. പ്രകാശ്,അനൂപ് മേനോൻ സിനിമയിലെ ഒരു ഭാഗമാണ് ഓർമ വരുന്നത്.ശരീരം പൂർണമായി തളർന്ന് കിടക്കുന്ന ജയസൂര്യയുടെ കഥാപാത്രത്തിന്റെ വീട്ടിലൊരു കള്ളൻ കേറുന്ന സീനുണ്ട് ആ സിനിമയിൽ.അപ്രതീക്ഷിതമായി വീട്ടുകാരെത്തുമ്പോൾ ഇറങ്ങിയോടുന്ന കള്ളന്റെ മെയ് വഴക്കത്തെ അത്ഭുതത്തോടെ നോക്കിയിരുന്ന ജയസൂര്യയുടെ കഥാപാത്രത്തെ മനസ്സിലാക്കാൻ നിങ്ങളുടെ ശരീരം പൂർണമായി തളർന്ന് പോവണമെന്നില്ലലോ.


പിന്നെ ഉള്ളത് ഒളിച്ച് കടത്തൽ ആരോപണമാണ്.സിനിമ കണ്ട് കഴിഞ്ഞ ഏതൊരാൾക്കും വളരെ കൃത്യമായി മനസ്സിലാവുന്ന ഒന്നാണ് ഇതിൽ ഒളിച്ച് കടത്തൽ ഒന്നുമില്ല,എല്ലാം വ്യക്തമായ തുറന്നുവെക്കലുകളാണ്.അല്ലേലും ആരോപണങ്ങൾ എന്നും ഒരു ഭാഗത്തേക്ക് മാത്രമായിരിക്കുമല്ലോ.മുരളി ഗോപി തന്റെ സിനിമയിൽ സംഘപരിവാറിന് വിസിബിലിറ്റി കൊടുക്കുമ്പോൾ അത് സംവിധായകന്റെ സ്വാതന്ത്ര്യവും സക്കരിയയെയും മുഹ്‌സിനെയും പോലെയുള്ളവർ  തന്റെ ജീവിതപരിസരങ്ങളെ സിനിമയാക്കുമ്പോൾ അത് ഒളിച്ച് കടത്തലും..!!


ഇനി സിനിമയെക്കുറിച്ച് പറയാം.2001ലേ World Trade Centre ആക്രമണത്തിന് ശേഷമുള്ള കാലത്തിൽ കേരളത്തിലെ ഒരു ഇസ്‌ലാമികസംഘടനയുടെ യുവജനവിഭാഗം ഒരു സിനിമയെടുക്കാൻ തീരുമാണിക്കുന്നതുമായി ബന്ധപ്പെട്ടാണ് കഥ പുരോഗമിക്കുന്നത്.മേൽപറഞ്ഞ ഇസ്ലാമിക പ്രസ്ഥാനത്തിൽ ആ കാലഘട്ടങ്ങളിൽ സജീവമാവുകയും പിൽക്കാലത്ത് അതിന്റെ ഇറയത്തും പരിസരത്തും ജീവിച്ച് കൊണ്ടിരിക്കുകയും ചെയ്ത് ഒരാൾ എന്ന നിലയിൽ ഓരോ കഥാപാത്രങ്ങളും സംഭാഷണങ്ങളും അത്രയേറെ അടുത്ത് നിൽക്കുന്നതാണ്.സംവിധായകൻ എന്ന നിലയിൽ താൻ ഒരു വൺ ടൈം വണ്ടർ അല്ലെന്ന് സകരിയ തെളിയിച്ചിരിക്കുന്നു.അവസാന ഭാഗങ്ങളിൽ പിരിമുറുക്കം ഇത്തിരി കുറഞ്ഞു പോയത് ഒഴിച്ചാൽ മുൻവിധികളില്ലാതെ സിനിമ കാണാൻ ഇരിക്കുന്ന ഒരാൾക്ക് നിരാശപ്പെടേണ്ടിവരില്ല.


ഓരോ കഥാപാത്രങ്ങളേയും കുറിച്ച് വിശദമായി അടുത്ത ബ്ലോഗിൽ എഴുതാം.

Share:

ഹലാൽ ലവ് സ്റ്റോറി എന്ത് കൊണ്ട് ആഘോഷിക്കപ്പെടുന്നു..!?

 എന്ത് കൊണ്ട് ഹലാൽ ലവ് സ്റ്റോറി റിലീസിന് മുമ്പ് ഇത്രയധികം ആഘോഷിക്കപ്പെടുന്നു എന്നതാ
ണ് ലിബറൽ സർക്കിലുകളിൽ നിന്നടക്കം നിരന്തരമായി കഴിഞ്ഞ ദിവസങ്ങളിൽ ഉയർന്ന് കേട്ടു കൊണ്ടിരിക്കുന്ന ചോദ്യം.ഒരുപാടിഷ്ടമുള്ള പലരും പിന്നണിയിൽ പ്രവർത്തിക്കുന്നു എന്നതിനപ്പുറം വേറെയും ഒരുപാട് കാര്യങ്ങൾ ഉണ്ട് ആ ആഘോഷത്തിന്.


കാലങ്ങളായി തിരുവിതാംകൂറിലും കൊച്ചിയിലും ഇരുന്ന് മലബാറിൽ ഉണ്ടെന്ന് പറയപ്പെടുന്ന കഥാപാത്രങ്ങളെയും 3 ദശകത്തിലധികം ഈ നാട്ടിൽ ജീവിച്ചിട്ടും ഇന്നോളം കേട്ടിട്ടില്ലാത്ത ഭാഷാപ്രയോഗങ്ങളും ഉണ്ടാക്കിയെടുത്ത് അതാണ് മലബാറെന്നും മലബാരികളെന്നും പറഞ്ഞ് കൊണ്ടിരിക്കുന്നവരുടെ കരണകുറ്റിക്ക് നോക്കിയുള്ള അടിയാണ് കഴിഞ്ഞ ഏതാനും വർഷങ്ങളായി മലബാറിൽ നിന്ന് തന്നെ ഉണ്ടായിക്കൊണ്ടിരിക്കുന്ന കഥയും കഥാപാത്രങ്ങളും സിനിമകളും.


ആ ശ്രേണിയിലെ ഏറ്റവും അവസാനം എത്തുന്ന സിനിമയാണ് ഹലാൽ ലവ് സ്റ്റോറി.ഈ ദേശത്ത് നിന്ന് അതിനെ ആഘോഷമാക്കാനും കാത്തിരിക്കാനും അത് കൊണ്ട് തന്നെ കാരണങ്ങളേറെയാണ്.



സിനിമയുടെ ട്രെയ്‌ലർ പുറത്ത് വന്നപ്പോ മുതൽ ഞാനെന്റെ പത്ത് വയസ്സ് മുതൽ എനിക്ക് ചുറ്റും കാണുന്ന ഒരുപാട് ആളുകളെയാണ് ആ സിനിമയിൽ ഞാൻ പ്രതീക്ഷിക്കുന്നത്.നാസർ കറുത്തേനി എന്ന നടൻ അവതരിപ്പിച്ച ആ കഥാപാത്രം മാത്രം എടുക്കാം.എനിക്ക് അയാളുടെ കണ്ടപ്പോ ഓർമ വന്നത് എനിക്കേറെ പ്രിയപ്പെട്ട ഞങ്ങളുടെ ഹമീദ് മാഷിനെ ആണ്.പുലർച്ചെ പത്രം ഇടാൻ വരുന്ന എല്ലാ ചൊവ്വാഴ്ചകളിലും വീക്ക്ലിയും കൊണ്ട് വരുന്ന നാട്ടിലെ പല പ്രവർത്തനങ്ങളുടെയും മുന്നോട്ട് വലിച്ച് കൊണ്ട് പോവുന്ന ഹമീദ് മാഷിനെ.ഒരൊറ്റ വ്യത്യാസമേ കണ്ടോള്ളൂ,ഹമീദ് മാഷ് കൂടുതൽ സമയവും ടീഷർട്ടിൽ ആണ് ഉണ്ടാവുക എന്നത് മാത്രം.


ഓരോ കഥാപാത്രങ്ങളും ഞങ്ങളുടെയൊക്കെ ചുറ്റിലും ജീവിച്ചിരുന്ന ജീവിച്ച് കൊണ്ടിരിക്കുന്ന പലരുമായും സാമ്യം തോന്നുമ്പോൾ അത് ഞങ്ങളുടെ തന്നെ കഥയാണെന്ന തോന്നൽ ഉണ്ടാവുകയും അതാഘോഷമാക്കുകയും ചെയ്യുന്നത് ഒരു സ്വാഭാവികത മാത്രമാണ്.


തീർത്തും വ്യക്തിപരമായ കാര്യങ്ങളാണ് ഇതുവരെ പറഞ്ഞതെങ്കിൽ ഒരു നല്ല സിനിമാപ്രേമി എന്ന നിലയിൽ കഴിഞ്ഞ ഏതാനും വർഷങ്ങൾക്കുള്ളിൽ ദേശീയഅന്തർദേശീയ അവാർഡുകൾ ഏറെ വാരിക്കൂട്ടിയ സുഡാനി ഫ്രം നൈജീരിയയുടെ സംവിധായകനും തിരക്കഥാകൃത്തും ഒന്നിച്ച് ചേരുന്ന അടുത്ത വിസ്മയം എന്ന രീതിയിലും ഞങ്ങൾ കാത്തിരിക്കുന്നു,പ്രതീക്ഷിക്കുന്നു,പ്രാർത്ഥിക്കുന്നു..


കുരുകൾ പൊട്ടി ഒലിക്കാനുള്ളതാണ്.അതൊലിക്കട്ടെ...ചലവും നീരും ഒക്കെ പോയി കഴിയുമ്പോ പോയി കഴിയുമ്പോ ഒരു ആശ്വാസമുണ്ടാവും.

Share:

നമ്മൾ പൊളിയാണ്..!!ഒരു പ്രത്യേകതരം പൊളി..!!



നമ്മള്,പ്രത്യേകിച്ച് നമ്മള് മലയാളികൾ ഭയങ്കരമായ പൊളികളാണ്.സമൂഹത്തിലുണ്ടാവുന്ന അനീതികൾക്കെതിരെ വളരെ കൃത്യമായാണ് നമ്മുടെ പ്രതികരണങ്ങൾ.നിമിഷാർദ്ധങ്ങൾ കൊണ്ട് ഹാഷ്ടാഗുകളും പ്രതിഷേധ,പ്രതിരോധകൂട്ടായ്മകളും പ്ലക്കാർഡുകളും പോസ്റ്ററുകളും രൂപപ്പെടും.പ്രതിഷേധവും പ്രതിരോധവും നമ്മൾ ആളികത്തിക്കും.പ്രത്യേകിച്ചും സ്ത്രീ വിഷയങ്ങളിൽ..

ഒരു സ്ത്രീ റേപ്പ് ചെയ്യപ്പെട്ടാലോ സമൂഹമാധ്യമങ്ങളിലോ മറ്റോ അധിക്ഷേപിക്കപ്പെട്ടാലോ നമ്മളിലെ നീതിക്ക് വേണ്ടിയുള്ള പോരാളി ഉണർന്ന് തുടങ്ങും.നമ്മൾ ഒച്ചവെച്ച് തുടങ്ങും.

പക്ഷെ,ചില കണ്ടീഷൻസ് ഉണ്ടെന്ന് മാത്രം.

ഒന്നുകിൽ ആ റേപ്പുകളും അധിക്ഷേപങ്ങളും ആഘോഷിക്കപ്പെടണം.അതായത് ആൾക്കൂട്ടം ഇളകിവരണം.അപ്പോഴേ നമ്മളിലെ നീതിബോധത്തിനും ഒരു ചലനമുണ്ടാവൂ.

അല്ലെങ്കിൽ പ്രതിസ്ഥാനത്ത് ദളിത് മുസ്ലിം പേരുകൾ പ്രതിഷ്ഠിക്കപ്പെടണം.അപ്പോഴും നമ്മുടെ നീതിബോധത്തിന് ഉണർച്ച സംഭവിക്കുകയും മറ്റ് നീതിബോധങ്ങളെ ഉണർച്ചയിലെത്തിക്കാൻ പാടുപെടുകയും ചെയ്യും.

അതുമല്ലെങ്കിൽ ലിംഗം കൊണ്ട് അക്രമിക്കപ്പെട്ട കഥകൾ വിസ്തരിച്ചും വിവരിച്ചും വർണിക്കപ്പെടണം.അപ്പോഴും നമ്മളുണരും,നമ്മുടെ നീതിബോധവും.

പറഞ്ഞ് വരുന്നത് കഴിഞ്ഞ ദിവസം ഇടവേളബാബു എന്ന താരസംഘടനയായ അമ്മയുടെ ഭാരവാഹി റിപ്പോർട്ടർ ചാനലിൽ ഇരുന്ന് നടി ഭാവനക്കെതിരെ നടത്തിയ പരാമർശത്തെ കുറിച്ചാണ്.

അക്ഷരാർത്ഥത്തിൽ ഞെട്ടലോടെയാണ് ആ പ്രസ്താവന കണ്ടത്.നമ്മൾ പൊളികളായ മലയാളികളുടെ മുന്നിൽ ഞെളിഞ്ഞ് നിന്ന് അയാൾ ഭാവനയെ കുറിച്ച് നടത്തിയ പരാമർശങ്ങൾ അത്രമേൽ അറപ്പുളവാക്കുന്നതായിരുന്നു.

പൊളികളായ നമ്മൾ മലയാളികൾ അറിഞ്ഞത് പോലുമില്ല,ഒരക്ഷരം പോലും നമുക്ക് മിണ്ടാൻ ഉണ്ടായിരുന്നില്ല.നടി പാർവതി തിരുവോത്ത് ആ സംഘടനയിൽ നിന്ന് രാജിവെച്ചതും അന്നേരം അവർ പറഞ്ഞതുമായിട്ടുള്ള വാക്കുകളുമൊന്നും നമ്മളുടെ ചർച്ചാമണ്ഡലങ്ങളിൽ പോലും ഉണ്ടായിരുന്നില്ല.

പൊളികളായ മലയാളിക്ക് അയാളുടെ അഭിപ്രായം മാത്രമായി കാണാനും അയാളുടെ വൃത്തിഹീനമായ ന്യായീകരണത്തെ ഏറ്റുപിടിക്കാനും മാത്രേ സമയം കിട്ടിയുള്ളൂ..

പൊളികളായ നമ്മൾ മലയാളികള് ലോക്ക്ഡൗൺ കാലത്ത് മമ്മൂട്ടി മസിൽ പെരിപ്പിച്ചതും ദിലീപിന് രൂപമാറ്റം വന്നതുമൊക്കെ ചർച്ച ചെയ്യുന്നുണ്ട്താനും.

നമ്മള് പ്രത്യേകതരം പൊളികൾ തന്നെ ല്ലേ..!!
Share:

Facebook Profile

Popular Posts

Followers

Recent Posts